17-ամյա բրազիլացի ֆուտբոլիստը մահացել է խաղի ժամանակ
Երեկ ֆուտբոլային խաղի ժամանակ տեղի է ունեցել հերթական ողբերգական դեպքը։ Բրազիլական «Սան Բերնանդո» թիմի 17-ամյա ֆուտբոլիստ Արջունա Լուիս Վենուտո Ռամոսը, ով հայտնի է Պելե անունով, պորտուգալական պատանեկան թիմի հետ խաղի երկրորդ կեսում ընկել է խոտածածկին և կորցրել գիտակցությունը։ Այս մասին հաղորդում է ANSA գործակալությունը՝ հղում կատարելով CBN Radio Globo-ին։
Խաղադաշտում վայր ընկնելուց հետո նրան տեղափոխել են հիվանդանոց, որտեղ քիչ անց մահացել է։ Տեղի ոստիկանությունում հաղորդել են, որ երիտասարդն ունեցել է սրտի նոպա։ Դեպքից հետո խաղը դադարեցվել է։
