Formula 1. Mercedes-ը ներկայացրել է նոր բոլիդը
«Ֆորմուլա 1»-ի Mercedes-ի թիմը կարող է առաջիկա մրցարշավին հպարտանալ իր բոլիդով,- կարծում է թիմի ղեկավար Ռոսս Բրաունը: Այս մասին գրված է Mercedes-ի պաշտոնական կայքում:
Երեքշաբթի օրը Բարսելոնայում տեղի է ունեցել W03 նոր բոլիդի ցուցադրությունը: Աշխատանքներն այս մոդելի վրա սկսվել էին դեռ 2011թ. մայիսին: Այն ցուցադրվել է մրցաշարին նախորդող թեստային մրցման երկրորդ փուլի ժամանակ:
«W03-ն այն մեքենան է, որին ես հավատում եմ, դրանով մեր թիմը կարող է հպարտանալ, և այն մեզ ցանկալի հաղթանակ կբերի»,-ասել է Բրաունը:
Նշենք, որ այս տարի նույնպես Mercedes-ի կազմում հանդես կգան գերմանացիներ Նիկո Ռոսբերգն ու Միքայել Շումախերը, ովքեր փետրվարի 16-ին և 19-ին արդեն փորձարկել են նոր բոլիդն ու հավանության արժանացրել այն:
